काठमाडौं, १५ पुष । नेपाली कांग्रेसले यो वर्षको राष्ट्रिय मेलमिलाप दिवसलाई सरकारले गरेको गलत कदमलाई लिएर राष्ट्रिय एकताको रुपमा मनाउने भएको छ । सरकारको अलोकतान्त्रिक कदमको विरोधका लागि जनतालाई एकत्रित गर्न यो वर्षको मेलमिलाप दिवस केन्द्रीत हुने कांग्रेस प्रवक्ता विश्वप्रकाश शर्माको भनाई छ ।
कांग्रेसले २०३३ साल पुस १७ गतेदेखि हरेक वर्ष राष्ट्रिय एकता तथा मेलमिलाप दिवस मनाउँदै आएको छ । कांग्रेसले यो वर्ष मेलमिलाप दिवसको कार्यक्रम ७७ वटै जिल्लामा मनाउने निर्णय गरेको छ ।
