एजेन्सी, १३ पौष । इंग्लिस प्रिमियर लिग फुटबलमा बर्नलीलाई लिड्स युनाईटेडले पराजित गरेको छ । आईतबार राति घरेलु मैदानमा भएको खेलमा लिड्सले बर्नलीलाई १–० गोल अन्तरले पराजित गरेको हो ।
खेलको सुरुवातमै प्राप्त पेनाल्टीमा गोल गर्दै लिड्सले महत्वपूर्ण तीन अंक बटुल्न सफल रह्यो । प्याट्रिक बामफोर्डले खेल सुरु भएको पाँचौ मिनेटमा घरेलु टोलीका लागि विजयी गोल गरेका थिए । बर्नलीका गोलकिपर नाइक पोपीका कारण लिड्सले पेनाल्टीको अवसर पाएको थियो ।
जित सहित लिड्स २० अंक सहित तालिकाको ११ औं स्थानमा उक्लिएको छ । बर्नली १३ अंक सहित रेलिगेशन जोन भन्दा मात्र दुई स्थान माथि छ ।
