झापा, २९ मंसिर । झापाको मेचीनगर नगरपालिका–७ बाट आईतवार बेलुका नियन्त्रीत लागुऔषध सहित ३ जना पक्राउ परेका छन् ।
उक्त स्थानमा पैदल हिडिरहेका मोरङको सुन्दरहरैचा नगरपालिका–४ का १९ बर्षीय सौरभ बस्नेत, मोरङकै उर्लावारी नगरपालिका–९ का ३० बर्षीय चन्द्र गुरुङ र ईलामका २३ बर्षीय समर तामाङलाई चेकजाँच गर्ने क्रममा उनीहरुको साथबाट लागुऔषध डाईजोपाम ६ एम्पुल, लुपिजेसिक ६ एम्पुल र फेनारगन ६ एम्पुल बरामद भएको प्रहरीले जनाएको छ ।
लागुऔषध सहित पक्राउ परेका उनीहरुको सम्बन्धमा थप अनुसन्धान भईरहेको ईलाका प्रहरी कार्यालय काकडभिट्टाले जनाएको छ ।