Our Network

कार्तिक ८ २०७८, सोमबार

भारतसँग जोडिएका सीमा–नाका खोल्न जनता समाजवादी पार्टीकाे माग


काठमाडाैं,९ मंसिर। कोरोना महामारीसँगै बन्द गरिएको भारतसँग जोडिएका सीमा–नाका तत्कालै खोल्न जनता समाजवादी पार्टीले माग गरेको छ । नेपालको सीमा–नाका पछिल्लो नौ महिनादेखि बन्द रहेको छ ।

सरकारले कोरोना महामारीको जोखिमका कारण गत चैत्र १० गते देखि अन्तर्राष्ट्रिय सीमा–नाका बन्द गरेको थियो । भारतसँग जोडिएका सीमा–नाका बन्द हुँदा सीमा क्षेत्रमा रहेका नेपालीहरुको आवागमन सहज हुन सकेको छैन । मंगलबार जनता समाजवादी पार्टी अध्यक्षद्वय महन्थ ठाकुर र उपेन्द्र यादवले एक विज्ञप्ति जारी गर्दै सीमा–नाका तत्काल खोल्न आग्रह गर्नुभएको हो ।

लामो समयदेखि सीमा–नाका बन्द हुँदा तराई–मधेसका जनताको जीवन कष्टकर बनेको सो विज्ञप्तिमा उल्लेख छ । लम्बिएको सीमा–नाका बन्दले मुलुकको अर्थतन्त्रलाई धराशायी बनाएको र स्थानीयको जनजीवन कष्टकर बनेकाले सरकारलाई भारतसँग जोडिएको सीमा–नाकालाई तत्काल खुल्ला गर्न भनिएको छ ।

कोरोना महामारी रोक्नका लागि सरकारले भाइरस गरेको पूर्वतयारी निकै कमजोर रहेको पुष्टि भैसकेकाले पनि अब सीमा बन्द गर्न आवश्यक नभएको जनता समाजवादी पार्टीको विज्ञप्तिमा उल्लेख छ ।

Leave a Reply