कैलाली, १२ कार्तिक । कैलालीको टीकापुर नगरपालिका–३ शंकरपुरस्थित सोयाबिन उद्योगमा आगलागी भएको छ । टीकापुरको बलायर सोयाबिन उद्योगमा बुधबार भएको आगलागीबाट करीब चार करोड बराबरको क्षति भएको प्रहरीको अनुमान छ ।
बिहान करीब ४ बजेतिर विद्युत् चुहावट भएर आगलागी भएको हुन सक्ने प्रहरीको अनुमान छ । इलाका प्रहरी कार्यालय टीकापुरका अनुसार गत वर्ष स्थापित उद्योगमा आगलागी हुँदा कारखानाका संरचना र गोदाममा क्षति पुगेको छ ।
नेपाल प्रहरी, सशस्त्र प्रहरी, स्थानीयवासी र टीकापुर नगरपालिकाको दमकलको सहयोगमा आगो नियन्त्रणमा आएको प्रहरीले जनाएको छ ।
