एजेन्सी, ९ कार्तिक । जर्मन बुन्डेसलिगा फुटबलमा बोरुसिया डर्टमण्डले सहज जित निकालेको छ । शनिबार राति भएको खेलमा डर्टमण्डले साल्केलाई ३–० गोल अन्तरले पराजित गरेको हो ।
घरेलु मैदानमा पहिलो हाफ गोलरहित बराबरी खेलेको डर्टमण्डले दोस्रो हाफमा ३ गोल गरेको थियो । खेलको ५५ औं मिनेटमा मानुएल आकान्जीले गोल गर्दै डर्टमण्डलाई अग्रता दिलाएका थिए ।
खेलको ६१ औं मिनेटमा अर्लिङ हालाण्डले गोल गर्दा डर्टमण्डको अग्रता २–० को बनाए । त्यसपछि खेलको ७८ औं मिनेटमा माट हुमेल्सले गोल गर्दै टोलीकै ३–० को सहज जित दिलाए । जितसँगै डर्टमण्डले ५ खेलमा १२ अंक जोडेको छ ।
डर्टमण्ड तेस्रो स्थानमा रहेको छ । पराजित साल्के ५ खेलमा १ अंक जोडेर पुछारबाट दोस्रो स्थानमा रहेको छ ।
