एजेन्सी,२२ भदाै । इंग्लिस प्रिमियर लिग फुटबल क्लब म्यानचेस्टर सिटीका दुई खेलाडीलाई कोरोना भाईरसको संक्रमण देखिएको छ ।सिटीले सोमबार फरवार्ड रियाद महरेज र डिफेन्डर एम्रिक लापोर्टेलाई कोरोना संक्रमण देखिएको जनाएको हो ।
सिटीले कोरोना पोजेटिभ देखिएका दुवै खेलाडी सेल्फ आईसोलेसनमा रहेका समेत जनाएको छ । सिटीले प्रेश विज्ञप्ति जारी गर्दै उनीहरुको स्वास्थ्य सामान्य रहेको र कुनै लक्षण नभएको पनि जनाएको छ ।
प्रिमियर लिगको नयाँ सिजन आगामी शनिबारबाट शुरु हुँदैछ ।सिजनको पहिलो खेलमा सिटीले उल्भरह्याम्टनसँग खेल्नेछ ।२९ बर्षिय अल्जेरियन महरेज र २६ बर्षे फ्रेन्च खेलाडी लापोर्टे चाडै निको भएर खेलमा फर्किने सिटीको बिश्वास छ । दुबै जना बेलायत सरकार र प्रिमियर लिगको नियमअनुसार १० दिन आइसोलेसनमा रहने जनाइएको छ ।
