गुल्मी, १३ भदौ । गुल्मीको कालीगण्डकी गाउँपालिका बजारमा जीप दुर्घटना ग्रस्त भएको छ । लु २ च २७५६ नम्बरको डबल क्याप जीप शनिबार करिब १२ बजे तिर बाटोबाट करिब ३० मिटर तल खोलामा खसेको हो ।
जीपमा ५ यात्रु सवार थिए । पाँच जना मध्ये दुई जना सकुशल छन् भने ३ जनालाई उपचारको लागि पाल्पा लगिएको छ । जीप चालकलाई पुर्तिघाट प्रहरी चौकीको निगरानीमा राखिएको छ।
जीप पल्टनुको मुख्य कारण ब्रेक फेल रहेको बताईएको छ । जीप पुर्तिघाअत बजारमा सामान लिनको लागि लम्सराङबाट झरेको थियो ।
