भारतीय मन भएका नेपालीहरु यतिबेला सरकारलाई असफल बनाउन सक्रिय रहेका छन् । उनीहरुको सक्रियता हेर्दा सरकारलाई मात्र होइन, सिंगो राज्यका संरचनालाई नै अस्तव्यस्त र असफल बनाउन क्रियाशील देखिन्छन । नेपालका नेताहरुलाई दवावमा पारेर नागरिकता ऐन जारी गरिएपछि नागरिकता लिएकाहरुको दबदबा तराई हुँदै अहिले केन्द्रसम्म देख्न सकिन्छ । मन्त्रिपरिषद बैठकको सूचना चुहाउने र राज्यका संयन्त्रलाई विफल बनाउन लाग्नेहरुको छानबिन गर्न सरकारलाई केले छेकेको छ ?गम्भीर प्रश्न उठेको छ ।
कालापानी र सीमा क्षेत्रका केही भारतीय हेपाह प्रवृत्तिलाई मात्र औंलाएर बाँकी प्रसंग उजागर हुन सकेन भने, त्यसले भारतलाई नै फाइदा पुर्याउँछ । २०४६ सालमा नागको रुपमा भित्र्याइएको भारतीय सर्प यति शक्तिशाली भइसकेको छ कि, थुप्रै आरोह अवरोहबीच नाग सर्प बन्दै अजिंगरको रुप धारण गरिसकेको छ । राज्य संरचना भित्र मनग्य गाँज्न सफल भारतरुपी अजिंगरको विषयले नेपाल घाइते अवस्थामा पुगिसकेको छ । केन्द्रीय सत्तामा त यसको असर थियो नै अब यसले गाउँगाउँसम्म आफ्नो संयन्त्र फैलाइ सकेको छ ।
नागरिकता ऐन २०६३ आए लगत्तै थुप्रै भारतीयहरुले नेपाली नागरिकता प्राप्त गरे । मुख्य रुपमा तराई क्षेत्र भारतमय भयो । यसको परिणाम आज तराईमा नेता, ठेकेदार तथा पत्रकारको रुपमा यी प्राविधिक रुपमा नागरिकता प्राप्त गर्न सफल भारतीयहरु नै, क्रियाशील छन् । यिनीहरुको मुख्य उद्देश्य भनेको राज्य संरचनालाई असफल, अव्यवस्थित र अस्तव्यस्त बनाउनु हो । आन्तरिक श्रोत र साधनको दोहन गर्नु हो । वास्तविक नेपालीहरुलाई शोषण दमन गर्दै उनीहरुलाई बोल्नै नसक्ने निरीह बनाउँदै भारतको हित अनुकुल भारतीय इसाराकै भरमा भारतकै लागि काम गर्नु हो ।
तराई मधेसको बाह्य राजनीतिक आवरण करीब करीब भारतको डिजाइन अनुसारको छ
यो अभियानमा केही नेपालीहरुलाई पनि गम्भीर रुपमा फसाउन नागरिकताधारी नक्कली नेपालीहरु सफल देखिन्छन । यति छोटो अवधिमै तराई क्षेत्रमा उल्लेख्य प्रभाव छाड्न सफल नक्कली नागरिकहरुको बिगबिगी अब कहाँ गएर टुंगिने हो, चिन्ताको विषय बनेको छ । भारतीयहरु तराई मधेसको चिन्ता यसकारण गर्छन कि उनीहरुले नेपालका नेताहरुलाई दवावमा पारेर जारी गर्न लगाएको नागरिकता विधेयक मार्फत थुप्रै उसका देशका नागरिकलाई नागरिकता दिलाई बसोबास गराउन सफल भएको छ । तराई मधेसको बाह्य राजनीतिक आवरण करीब करीब भारतको डिजाइन अनुसारको छ । त्यो डिजाइन भित्र नपर्ने नेपालीहरु अहिले पनि आदिम युगिन निरीह मनुवाको रुपमा छन् । उनीहरुलाई प्रजातन्त्र आएको छैन । उनीहरुको गाउँमा विकास भएको छैन ।
अहिले पनि उनीहरुको जाने ठाउँ त्यही पुराना मसिहाहरु नै छन् । नेपालका नक्कली नेपालीहरु अहिले पनि भारतको मतदाताको रुपमा यथावत छन् । दुबैतर्फको परिचयपत्रको आधारमा यी नागरिकहरु दुबैतर्फ क्रियाशील छन् । यस्तो अवस्थामा राज्य व्यवस्थाको हालत के होला ? सजिलै अनुमान गर्न सकिन्छ । यो रोग स्थानीय स्तरमा मात्रै हैन, यसले केन्द्रलाई समेत नराम्रोसँग जकडाइसकेको छ । दोहोरो नागरिकतावालाको उपस्थिति केन्द्रमा समेत व्यापक बन्दै गएको प्रमाणहरु भेटिएका छन् । तर कारबाही छैन । प्रधानमन्त्रीले क्याविनेटमा बोलेको भन्दै हुबहु शैलीमा सूचना बाहिरिन्छ । सरकार मौन रहन्छ । छानबिन हुन सक्यो भने सूचना सम्प्रेषकले देखाउने श्रोत यदि क्याविनेटको सदस्य पो हुने हो कि ।
सबै पार्टीहरु भित्र अन्तरकलह, आन्तरिक विवाद किन यसरी बढेको छ ? किन नेताहरु जनताबाट टाढिंदैछन् ?
यति गम्भीर विषयको समेत छानबि नहुनुले कमजोर राज्य व्यवस्थाको परिचय दिइरहेको छ । स्थानीय निकायदेखि केन्द्रीय सत्तासम्मलाई कामै गर्न नसक्ने वातावरणमा जकड्याउँदै वर्तमान नेता र नेतृत्व गणप्रति जनमानसमा तिव्र असन्तोषको वातावरण बनाउँदै राज्य व्यवस्थालाई कमजोर बनाउने भारतीय नीति अनुसार तिव्र गतिमा काम हुँदा पनि न नेपालमा नेताहरु सोच्छन, न सत्तामा बस्नेहरुलाई सोच्ने फुर्सद छ । सबै पार्टीहरु भित्र अन्तरकलह, आन्तरिक विवाद किन यसरी बढेको छ ? किन नेताहरु जनताबाट टाढिंदैछन् ? नारायणमान बिजुक्छे, चित्रबहादुर केसीदेखि धनराज गुरुङसम्मका नेताहरु किन पाखा लाग्दैछन् ? अब नेपालीहरुले नै खोजी गर्नुपर्ने बेला आएको छ ।
देश सम्पूर्ण रुपमा खोक्रो हुँदैछ । विदेशी प्रभाव कणकणमा व्याप्त हुँदैछ । क्याविनेटको निर्णय समेत सुरक्षित गर्न नसक्ने अवस्थामा सरकार छ । यो सबै परिस्थितिलाई नसुधार्ने हो भने अब नेपालले आशातित प्रगति होइन, निराशाजनक अवस्थाको सामाना गर्नुपर्ने निश्चित छ । वास्तविक नेपालबासीहरु उठ्नुपर्ने बेला आएको छ । यदि देशलाई माया गर्ने हो भने भारतीय चालबाजीलाई मुख भरिको जवाफ कर्मले दिनुपर्ने बेला आएको छ ।
अन्यथा आगामी केही वर्षमा नै भारतीयहरुले रुचाएका पात्र र प्रवृत्ति मात्र नेपालको शासन सत्तामा हाबी हुने निश्चित छ । यो परिस्थितिसँगै कुनै नयाँ लेण्डुपको पुनर्जन्म भयो भने त्यसलाई अन्यथा मान्नुपर्ने छैन ।
