रौतहट, ४ भाद्र । रौतहटको माधवनारायण नगरपालिकामा एक पुजारीको हत्या भएको छ ।
बुधबार साँझको नियमित पूजा सकेर राति खाना खान बसेका माधवनारायण २ खेसरहिया रहेको हनुमान मन्दिरका पुजारी श्रीराम साहको हत्या भएको हो ।
पुजारी साहलाई अज्ञात व्यक्तिले नजिकैबाट कन्चटमा गोली हानेका थिए । बायाँ कन्चटमा गोली लागेका पुजारीको घटनास्थलमै मृत्यु भएको जिल्ला प्रहरी कार्यालय रौतहटले जनाएको छ ।
घटनाबारे अनुसन्धान भइरहेको प्रहरीको भनाई छ ।