काठमाडौं, ३२ साउन । आइतबार सुनको भाउ तोलामा २०० रुपैयाँले घटेको छ । अघिल्लो शुक्रबार तोलामा ८०० रुपैयाँले बढेर प्रतितोला ९८ हजार ६०० तोकिएको सुनको भाउ आइतबार ओरालो लागेको हो । नेपाल सुन चाँदी व्यवसायी महासंघका अनुसार यस दिन छापावाला सुनको भाउ प्रतितोला ९८ हजार ४०० र तेजाबी सुन प्रतितोला ९७ हजार ९०० रुपैयाँमा कारोबार भइरहेको छ ।
सुनका साथै चाँदीको भाउमा पनि आइतबार सामान्य गिरावट आएको छ । शुक्रबार तोलामा ६० रुपैयाँले बढेर प्रतितोला एक हजार ३५५ रुपैयाँ कायम रहेको चाँदी आज भने ३० रुपैयाँले घटेर प्रतितोला एक हजार ३२५ रुपैयाँमा खरिदबिक्री भएको छ ।
