इलाम, २४ असार । स्थायी सरकार निर्माणका लागि इलाममा युवाहरुले प्रदर्शन गरेका छन् । इलामका युवाहरुले स्थायी सरकार निर्माण भए मात्र देशमा विकास हुने भन्दै बुधबार इलाम बजारमा प्रदर्शन गरेका हुन् ।
प्रधानमन्त्री केपी शर्मा ओलीको समर्थनमा नारा सहितका प्लेकार्ड बोकेका युवाहरुले इलाम बजार परिक्रममा समेत गरेका छन् । अनेरास्वबीयूमा आवद्ध युवाहरुको अगुवाईमा निकालिएको र्यालीमा जिल्लाका युवाहरुको सहभागिता रहेको थियो ।
इलामको ठुलो टुँडिखेलबाट निकालिएको र्याली इलाम बजार परिक्रमा गरेर चोक बजारमा कोण सभा भएर अन्त्य भएको थियो ।
