काठमाडौं, १० मंसिर । १३ औं दक्षिण एसियाली खेलकुद (साग) अन्तर्गत प्रतियोगिताको मुख्य उद्घाटनस्थल दशरथ रंगशालामा मंगलबार रिहल्सन गरिएको छ ।
यहि मंसिर १५ गते राष्ट्रपति विद्यादेवी भण्डारीले उद्घाटन गर्ने कार्यक्रमको नेपाली सेना, नेपाल प्रहरी र शसस्त्र प्रहरीले मंगलबार रिहल्सन गरेका हुन् । दशरथ रंगशालामा उद्घाटनका दिन विभिन्न झाँकीसहित प्रदर्शन गर्ने भएकाले त्यसको पूर्व अभ्यास मंगलबार गरिएको हो ।
यस्तै आगामी शुक्रबार अन्तिम रिहल्सन गर्ने तयारी गरिएको जनाइएको छ । उद्घाटन समारोह भव्य बनाउने गरि तयारी भइरहेको राष्ट्रिय खेलकुद परिषद राखेपले जनाएको छ ।
