काठमाडौं, ११ माघ । नेपालकी सुष्मा तामाङले एशियन बक्सिङ च्याम्पियनशिपको ४८ केजी तौल समूहमा रजत पदक जितेकी छिन् । उनी फाइनलमा उज्वेकस्तानकी फरजिता फजिलोभासँग पराजित हुँदै रजतमा सिमित भएकी हुन् ।
रजत जितेपनि सुुष्मा एशियन बक्सिङको फाइनलमा पुग्ने पहिलो खेलाडी बनिसकेकी छिन् । २० वर्षीया सुुष्मालाई विश्व बक्सिङको उदीयमान खेलाडीका रुपमा हेरिएको छ । प्रशिक्षक दिपक महर्जनले सुष्माले साहसका साथ खेलेको बताए । उनले सुष्माले भविष्यमा उत्कृष्ट प्रदर्शन गर्दै देशलाई पदक दिलाउन सक्ने आशा व्यक्त गरे ।
एसियन बक्सिङ महासंघको आयोजनामा थाइल्यान्डमा जारी यु–२२ प्रतियोगितामा नेपालको बक्सिङ खेलाडीहरुले उत्कृष्ट प्रदर्शन गरे । यसबाट बक्सिङ खेलाडीबाट फेरि आशा जगाएको छ ।
