कास्की, ९ पुष । कास्कीको पोखरामा मोटरसाइकल दुर्घटना हुँदा एकजनाको मृत्यु भएको छ ।
आइतबार बिहान ग ७ प ७९७५ नम्बरको मोटरसाइकल पोखरा लेखनाथ महानगरपालिका–१९ पात्लेखेतमा दुर्घटना हुँदा पछाडि बसेका स्थानीय १५ वर्षका सबिन बास्तोला ज्यान गएको प्रहरीले जनाएको छ ।
मोटरसाइकल पल्टिएर उछ्टिएका बास्तोलालाई ना ६ ख ९००५ नम्बरको ट्रिपरले ठक्कर दिएपछि फिस्टेल अस्पतालमा उपचारको क्रममा ज्यान गएको हो ।
घटनाको अनुसन्धान भइरहेको प्रहरीले जनाएको छ ।
