ललितपुर, १९ मंसिर। ललितपुर महानगरपालिका २५ स्थित लालीगुराँस बहुउद्देश्यीय सहकारी संस्थाका प्रमुख कार्यकारी निर्देशक सुरेन्द्र भण्डारीको सैबुस्थित घरको गेटमा बम भेटिएको छ ।
बिहान करिब १० बजेको समयमा मोटरसाइकलमा आएका अपरिचित ६ जनाको समुहले गेटमा बम राखेर फरार भएका थिए। बम राखिएको खबर पाए लगत्तै नेपाली सेनाको डिस्पोजल टिम त्यहाँ पुगेको थियो। अहिले सेनाको टोलीले बम निष्क्रिय गर्ने कार्य जारी रहेको छ।
