काठमाडौं, ८ चैत। नेपाली बजारमा आज सुनको मूल्य बढेको छ ।
नेपाल सुनचाँदी व्यवसायी महासंघका अनुसार आइतबार सुनको मूल्य तोलामा पाँच सय रुपैयाँले बढेर ८७ हजार दुई सय रुपैयाँ निर्धारण गरिएको छ । गएको शुक्रबार सुन प्रतितोला ८६ हजार ७ सय रुपैँयामा कारोबार भएको थियो ।
त्यसैगरी आइतबार तेजाबी सुनको मूल्यमा पनि तोलामा पाँच सय रुपैयाँले बढेर ८६ हजार सात सय ५० रुपैयाँ निर्धारण गरिएको छ ।
आइतबार चाँदीको मूल्यमा पनि बृद्धि भएको छ । चाँदीको मूल्य तोलामा ५ रुपैँयाले बढेर १२ सय ८० रुपैँया निर्धारण गरिएको महासंघले जनाएको छ ।
