नितेश कश्यप
वीरगन्ज, १० जेठ । वीरगन्जस्थित नारायणी अस्पतालमा उपचार गराइरहेका ७१ जना कोरोना संक्रमितमध्ये ९ जना शनिबार डिस्चार्ज भएका छन् । उनीहरुको पछिल्लो दुई वटा रिपोर्ट नेगेटिभ आएपछि डिस्चार्ज गरिएको मेडिकल सुपरिटेण्डेन डा. मदन उपाध्यायले जानकारी दिनु भएको छ ।
डिस्चार्ज हुनेहरुमा पर्सा र रौतहटका ३-३ जना, बाराका २ जना र एक जना भारतीय नागरिक रहेका छन् । शनिबार ९ जना डिस्चार्ज भएसँगै नारायणी अस्पतालमा उपचाररत संक्रमितको संख्या ६२ रहेको छ । अन्य २५ जना संक्रमित भने गण्डक कोभिड अस्पतालमा उपचाररत छन् ।
