एजेन्सी, १० वैशाख । इंग्लिस क्लब वेष्ट ह्याम र क्रिस्टल प्यालेसको प्रि–सिजन अन्तर्गत अष्ट्रेलिया भ्रमण स्थगित भएको छ । कोरोना भाईरसको महामारीको कारण वेष्ट ह्याम र क्रिस्टलले अष्ट्रेलिया भ्रमण स्थगित गरेको हुन ।
दुवै क्लबले सिजनको सुरुवात अघि अष्ट्रेलिया भ्रमण तय गरेको थियो । दुवै क्लबले आगामी जुलाईमा अष्ट्रेलिया भ्रमणको योजना बनाएका थिए । दुवै क्लबले अष्ट्रेलियाको ए लिग क्लब ब्रिसब्रेन रोअरसँग क्वीन्सल्याण्डमा मैत्रीपूर्ण खेल खेल्ने तालिका रहेको थियो । तर, कोरोनाको कारण बुधबार दुवै क्लबले भ्रमण स्थगित गरेको जनाएका छन ।
