काठमाडौं, २ वैशाख । राजधानीको पेप्सीकोला स्थित सनसिटी अपार्टमेन्टबाट अस्पताल भर्ना गरिएका दुई जनामा कोरोना भाइरसको संक्रमण पुष्टि भएको छ ।
सोमबार र्यापिड टेष्टका क्रममा ३ जनामा संक्रमण देखिएपछि उनीहरुलाई पाटन अस्पतालको आइसोलेसन वार्डमा भर्ना गरिएको थियो । उनीहरु एकै परिवारका रहेका जनाइएको छ ।
भर्ना गरेर थ्रोट स्वाब संकलन गरेर भएको परिक्षणमा २ जनामा कोरोना भाइरसको संक्रमण पुष्टि भएको बताइएको छ । एक जनाको भने रिपोर्ट आउन बाँकी छ । उनीहरु २८ दिनअघि बेलायतमा फर्किएका थिए ।