काठमाडौं, ५ चैत । पद्मा मिडिया ग्रुप अन्तर्गत माउण्टेन टेलिभिजनको समाचार महाशाखामा कार्यरत सम्वाददाता रामनिवास प्रसाद यादवलाई प्रोत्साहन स्वरुप पुरस्कार प्रदान गरिएको छ । पद्मा ग्रुप अन्तर्गत कार्यरत विभिन्न कर्मचारीहरु मध्ये उत्कृष्ट कार्यसम्पादन गरेवापत हरेक महिना प्रोत्साहन गर्ने क्रममा फागुन महिनाको कार्यसम्पादनको आधारमा यादवलाई प्रोत्साहन स्वरुप पुरस्कार प्रदान गरिएको हो ।
पद्मा मिडिया ग्रुप अन्तर्गत माउण्टेन टेलिभिजनका समाचार प्रमुख चन्द्र बानियाँले सम्वाददाता रामनिवास प्रसाद यादवलाई प्रोत्साहन स्वरुप नगद राशीसहित पुरस्कार प्रदान गर्नु भएको छ ।
पद्मा मिडियाले हरेक महिना शाखाहरु मध्ये उत्कृष्ट छनौट गरी पुरस्कृत गर्न सुरु गरेको छ । गत महिना आईटी शाखा पुरस्कृत भएको थियो ।
