काठमाडौं, २१ माघ । नेपाल आयल निगमले खाना पकाउने ग्याँसको मूल्य बढाएको छ । निगमले भारतबाट पछिल्लो समय खाना पकाउने ग्याँसको मूल्य बढेर आएकाले प्रति सिलिन्डर २५ रुपैयाँ बढाइएको हो ।
यो सँगै ग्यासको मूल्य अब प्रति सिलिण्डर १३७५ रुपैयाँ भएको छ । निगमले पेट्रोल र डिजेलको मूल्य भने घटाएको छ । भारतबाट पछिल्लो समय डिजेल र पेट्रोलको मूल्य घटेर आएकाले प्रति लिटर १ रुपैयाँ घटाइएको निगमले जानकारी दिएको छ ।
यो सँगै डिजेलको मूल्य प्रतिलिटर ९९ र पेट्रोलको प्रतिलिटर ११० रुपैयाँ भएको छ । यो मूल्य आज सोमबार राति १२ बजेदेखि लागू भइसकेको छ ।
