नागरिक लगानी कोषलाई बैंक तथा वित्तीय संस्थासँग तुलना गर्न मिल्दैन : अर्थमन्त्री | ईमाउण्टेन समाचार

Our Network

चैत १४ २०८०, बुधवार

नागरिक लगानी कोषलाई बैंक तथा वित्तीय संस्थासँग तुलना गर्न मिल्दैन : अर्थमन्त्री

काठमाडौं, १३ माघ । अर्थमन्त्री डा. युवराज खतिवडाले नागरिक लगानी कोषलाई बैंक तथा वित्तीय संस्थासँग तुलना नगर्न आग्रह गर्नुभएको छ ।

संघीय संसद प्रतिनिधि सभा अन्तर्गतको अर्थ समितिको सोमबारको बैठकमा बोल्दै मन्त्री खतिवडाले नागरिक लगानी कोष नाफा कमाउने उद्देश्य राखेपनि बैंकहरु जस्तो नाफा मुखि संस्था नभएकाले यसको पूँजी कम भएपनि फरक नपर्ने बताउनुभयो ।

उहाँले ट्रष्टी संस्थाको रुपमा बचतकर्ताको योगदानलाई फाइदा दिने गरी कोषले काम गर्ने उहाँले बताउनुभयो । उहाँले सर्वसाधारणको समेत सहभागिता होस भन्ने उद्देश्यले २० प्रतिशत स्वामित्व सर्वसाधारणको राख्ने व्यवस्था गरिएको बताउनुभयो । उहाँले कोषले पूँजी बजारमा लगानी गर्ने र मार्केट मेकरको रुपमा काम गर्ने भएकाले यसको प्रकृति बैंकहरुको जस्तो नभएको बताउनु भयो ।

अर्थमन्त्री खतिवडाले सामाजिक सुरक्षा कोष, कर्मचारी सञ्चय कोष र नागरिक लगानी कोष सबैले सामाजिक सुरक्षाको काम गर्ने भएकाले पनि भविश्यमा यी संस्थालाई एकिकृत गर्न सकिने सम्भावना रहेको बताउनुभयो ।

(function ($) { $(function () { $('#announcementModal').modal('show'); }) })(jQuery);