काठमाडौं, २२ मंसिर । पार्टी एकीकरणका बाँकी काम टुंग्याउने बिषयमा नेकपाका अध्यक्ष पुष्पकमल दाहालले आइतवार पार्टीका नेताहरुसंग छलफल गर्नुभएको छ ।
कार्यकारी अध्यक्षको परिभाषित जिम्मेवारी पाएपछि गतसाता सचिवालयको पहिलो बैठक राख्नुभएका दाहालले सोमवार सचिवालयको अर्काे बैठक बोलाउनु भएको छ ।
बैठकको पूर्वसन्ध्यामा दाहालले आईतवार वरिष्ठ नेता माधवकुमार नेपाल, सचिवालय सदस्य ईश्वर पोखरेल, महासचिव विष्णु पौडेललगायतका नेतासँग परामर्श गर्नुभएको हो ।
दाहाल निवास खुमलटारमा भएको छलफलमा स्थायी कमिटी र केन्द्रीय कमिटी बैठक बोलाउने लगायतका विषयमा छलफल भएको बताइएको छ । नेकपाले ३२ विभागमा सदस्यहरू पनि चयन गर्न बाँकी छ ।
सोमबार बस्ने बैठकमा उपचुनाव भएका स्थानहरूको समीक्षात्मक रिपोर्टमाथिसमेत छलफल हुने छ । अघिल्लो सचिवालय बैठकले आइतबारसम्म रिपोर्ट पठाउन मातहत कमिटीलाई निर्देशन दिएको थियो ।
