काठमाडौं, २१ कात्तिक । एएफसी यू–१९ च्याम्पियनसिप फुटबलको क्वालिफायर्स खेलमा नेपाल युएईसँग पराजित भएको छ । बुधबार इरानको तेहरानस्थित पिएएस स्टेडियममा भएको खेलमा नेपाल युएइसँग ४–० गोल अन्तरले पराजित भएको हो ।
युएईले नेपाललाई पहिलो हाफमा २ गोल तथा दोस्रो हाफमा २ गोल गरेको थियो । नेपालले पनि आक्रमणको प्रयास गरे पनि सफल हुन सकेन । प्रतियोगितामा नेपाल समूह ’डी’ मा रहेको छ । जुन समूहमा नेपालसहित कीर्गिस्तान, युएइ र इरान रहेका छन् । नेपालले दोस्रो खेल इरानसँग २२ गते र तेस्रो खेल २४ गते कीर्गिस्तानसँग खेल्नेछ ।