एजेन्सी, १४ कात्तिक । भारतको जम्मू–कश्मीर राज्यलाई बिहीवारदेखि दुईवटा केन्द्रशासित भूभागमा विभाजन गरिएको छ । भारतीय राष्ट्रपति रामनाथ कोबिदले जम्मू–कश्मीर र लद्दाखलाई २ वटा दुईवटा केन्द्रशासित घोषणा गरिएको राजपत्र बिहीबार जारी गरेपछि यसले औपचारिक मान्यता पाएको हो ।
सरकारले गत अगष्टमा जम्मू–कश्मीर राज्यको विशेष संवैधानिक मान्यता आर्टिकल ३ सय ७० खारेज गरेर त्यसलाई दुईवटा केन्द्रशासित भूभागमा परिणत गरिसकेको भएपनि बिहीबारदेखि औपचारिक रुपमा जम्मू–कश्मीर र लद्दाख केन्द्रशासित भूभाग भएका हुन् ।
पहिले जम्मु–कश्मीर राज्यमै रहेको बौद्धमार्गीको बाहुल्य भएको लद्दाख क्षेत्र बिहीवारदेखि छुट्टै एकाइ बनेको भारतीय संचार माध्ययमहरुले जनाएका छन् ।