कपिलवस्तु, २५ भदौ। कपिलवस्तुको यशोधरा गाउँपालिका–२ का दुई युवतीको घाँस काट्न जाँदा स्थानीय खोलामा डुबेर मृत्यु भएको छ ।
प्रहरीले जनाए अनुसार स्थानीय ३३ वर्षीय इन्द्रावती यादव र १५ वर्षीय रिमा कोहारको खोलामा डुबेर मृत्यु भएको हो ।
खोला किनारमा रिमा घाँस काट्दै गर्दा खसेर डुब्न लागेपछि उनलाई बचाउन खोज्दा अर्की इन्द्रावती पनि डुबेर मृत्यु भएको थियो ।
दुवैजनाको शव परीक्षणका लागि जिल्ला अस्पतालमा लगिएकोे प्रहरीले जनाएको छ ।
