काठमाडौं, १७ फागुन । भ्यालेन्सिया स्पेनिस कोपा डेल रे फुटबलको फाइनलमा प्रवेश गरेको छ ।
घरेलु मैदानमा बिहीबार राति भएको दोस्रो लेगमा रियल बेटिसलाई १–० गोलले हराउँदै भ्यालेन्सियाले फाइनलमा स्थान बनाएको हो । भ्यालेन्सिया समग्रमा ३–२ गोलले विजयी भएको हो । यसअघिको पहिलो लेग २–२ गोलको बराबरीमा सकिएको थियो । भ्यालेन्सियाको जितमा रोड्रीगो मोरेनोले ५६ औं मिनेटमा गरेको गोल नै निर्णायक बनेको थियो ।
अब उपाधिका लागि भ्यालेन्सियाले स्पेनिस पावर हाउस बार्सिलोनाको सामना गर्नेछ । बार्सिलोनाले बुधबार रियल म्याड्रिडलाई समग्रमा ४–१ गोलले पराजित गर्दै फाइनलमा पुगेको छ । बार्सिलोना लगातार पाँचौं पटक यस उपाधि चुम्ने अभियानमा छ । यसैगरी सन् २००८ मा पहिलो पटक कोपा डेल रे जितेको भ्यालेन्सियालाई बलियो बार्सिलोना पन्छाउनु ठूलो उपलब्धि हुनेछ । कोपा डेल रेको फाइनल भिडन्त आगामी मे २५ तारिख हुनेछ ।