एजेन्सी, २२ चैत। रियल सोसिडाडले ३४ वर्षपछि स्पेनिस कोपा डेल रे फुटबलको उपाधि जितेको छ ।
शनिबार राति सम्पन्न फाइनल खेलमा एथ्लेटिक बिल्बाओलाई १–० गोल अन्तरले पराजित गर्दै सोसिडाडले उपाधि जितेको हो ।
सोसिडाडलाई च्याम्पियन बनाउन मिकेल ओयार्जाबलले निर्णायक गोल गरे । मिकेल ओयार्जाबलले खेलको ६३ औं मिनेटमा पेनाल्टीमा गोल गरेका थिए ।
योसँगै सोसिडाडले ३४ वर्षपछि पहिलोपटक कोपा डेल रेको उपाधि जित्न सफल भएको छ । सन् १९८७ पछि सोसिडाडको यो पहिलो उपाधि समेत हो ।
बिल्बाओले भने यही अप्रिलमा कोपा डेल रेको अर्को फाइनल खेल्नेछ । सन् २०२०÷२१ को फाइनलमा बिल्बाओले बार्सिलोनासँग खेल्नेछ । फाइनल खेल अप्रिल १७ मा हुनेछ ।
