एजेन्सी, २ पुष । जापानको एक रेस्टुरेन्टमा विस्फोट हुँदा ४२ जना घाइते भएका छन् । जापानको तोयोहिरा जिल्लास्थित सापारो शहरमा भएको विस्फोटमा परी रेष्टुरेन्ट पूर्णरूपमा ध्वस्त भएको छ ।
विस्फोटलगत्तै रेष्टुरेन्टमा रहेका कतिपय मानिसहरु झ्यालका सिसा फोडेर भगेका थिए । उनीहरू भाग्ने क्रममा घाइते भएको अन्तर्राष्ट्रिय सञ्चार माध्यमले जनाएका छन ।
विस्फोटको कारणबारे जापानी अधिकारीहरुले अनुसन्धान थालेका जनाइएको छ । विस्फोटपछि रेष्टुरेन्ट आसपासमा ठूलो मात्रामा प्रहरी परिचालन गरिएको छ ।
