काठमाडौं, २ मंसिर । सलमान खान र क्याट्रिना कैफ एउटै कोठामा बस्दै आएका छन् ।
जब क्याट्रिना रणवीर कपुरको प्रेममा परिन्, त्यसपछि उनीहरूबीच फाटो आएको थियो । रणवीरसँग ब्रेकअप भएपछि क्याट्रिना अहिले फेरि सलमानसँग नजिकिएकी छिन् ।
सलमान र क्याट्रिना पछिल्लो समय टाइगर जिन्दा है फिल्ममा सँगै देखिएका थिए । अहिले उनीहरू भारत फिल्मको सुटिङमा छन् । माल्टामा भारतको सुटिङका क्रममा क्याट्रिना प्रायः सलमानको कोठामा बस्ने गरेको भारतीय मिडियाले उल्लेख गरेका छन् ।
टाइगर जिन्दा है पछि प्रायः सँगै देखिँदै आएका क्याट्रिना र सलमानबीच अहिले फेरि प्रेम झाँगिएको बताइन्छ । यद्यपि, सलमान युलिया वान्तुरसँग रिलेसनसिपमा छन् । तर, उनले भारतको सुटिङ सेटमा युलियालाई प्रवेश गर्न समेत रोक लगाएको बताइन्छ ।
