एजेन्सी, १८ असार । धेरै दिनदेखि फ्यानहरू बलिउड अभिनेत्रीहरु क्याट्रिना कैफ, प्रियंका चोपडा र आलिया भट्टलाई फिल्म ’जी ले जरा’मा सँगै हेर्न पर्खिरहेका छन्। यसैबीच, प्रियंका चोपडाले यो फिल्मबाट आफूलाई अलग गरेपछि अब यो फिल्मबाट क्याट्रिना कैफको पनि अलग भएको खबर बाहिर आएको छ । यो फिल्ममा जोया अख्तर र फरहान अख्तर लामो समयदेखि काम गरिरहेका छन् ।
फरहान र जोया अख्तरको आगामी फिल्म ‘जी ले जरा’ लामो समयदेखि चर्चामा छ । यस फिल्ममा बलिउडका तीन मुख्य अभिनेत्री प्रियंका, क्याट्रिना र आलिया देखिने थिए । यद्यपि अहिले प्रियंका चोपडाले यो फिल्मबाट बाहिरिएकी छिन् । न्यूज १८ को खबर अनुसार क्याट्रिनाले पनि यो फिल्मबाट पछि हटेकी छिन् । तर, यसबारे अहिलेसम्म कुनै पुष्टि भएको छैन् । योसँगै फिल्ममा क्याट्रिना र प्रियंकाको सट्टा नयाँ इन्ट्री भएको छ ।
स्रोतलाई उद्धृत गर्दै फिल्मफेयरको रिपोर्ट अनुसार प्रियंका र क्याट्रिनाले फिल्मबाट बाहिरिइसकेका छन् भने अनुष्का शर्मा र कियारा आडवाणीलाई उनको ठाउँमा फिल्मका लागि विचार गरिँदैछ ।
जब फरहान अख्तरकोले जरा घोषणा गरिएको थियो, तब क्याट्रिना, आलिया र प्रियंकाको उत्कृष्ट कास्टका कारण सबैजना फिल्मलाई लिएर उत्साहित थिए । नेटिजन्सहरू अर्को रोड–ट्रिप फिल्म ’जिन्दगी मिलेगी ना दोबारा’ जस्तै महिलाको नेतृत्वमा हेर्न चाहन्थे । फरहान अख्तरले आफ्नो प्रोजेक्टमा धेरै ढिलाइ गरे पनि पछि उनको फिल्मको चर्चा कम हुँदै गएको देखिन्छ ।
