बारा, ७ साउन । बाराको कलैया उपमहानगरपालिका २४ श्रीपुरमा रहेको रिलायन्स् सुगर एण्ड केमिकल ईन्डस्टिजमा आगलागी भएको छ ।
दिउँसो लागेको आगो दुई घण्टापछि सात वटा दमकल, प्रहरी र स्थानीयको सहयोगमा नियन्त्रणमा लिइएको छ । आगो नियन्त्रणमा आएपनि अझै आगो सल्किने सम्भावना रहेकाले दमकललाई उद्योगमै राखिएको छ ।
उखुबाट निस्कने बोक्रालाई बिक्री गर्न राखिएको स्थापनबाट आगो सल्किएको हो । आगलागिबाट भएको क्षतिको विवरण आउन बाँकी रहेको बारा प्रहरीले जनाएको छ ।
