नेपालगञ्ज, १ भदौ । प्रधानमन्त्री शेरबहादुर देउवाले सबै उपाय अपनाएर बाढीपीडितको उचित व्यवस्थान गरिने बताएका छन् । प्रधानमन्त्री देउवा आज वाढी प्रभावित क्षेत्रको अवलोकनका लागि बाँके, बर्दिया र कैलाली पुगेका थिए ।
बाढी प्रभावित क्षेत्रको अवलोकन पछि काठमाडौं फर्कने क्रममा नेपालगन्ज विमानस्थलमा पत्रकारसँग कुरा गर्दै प्रधानमन्त्री देउवाले यस्तो बताएका हुन् । बाढी पीडितलाई सुरक्षित बसोबासको व्यस्था गरि जीविकोपार्जनका लागि उचित व्यवस्था गरिने प्रधानमन्त्रीले बताए ।
प्रधानमन्त्री देउवाले बाढीपीडितलाई तत्काल राहत उपलब्ध गराउन र दीर्घकालीन व्यवस्थापनका लागि सरकार लागि पर्ने बताए । वाढी पीडितको व्यवस्थापन सकेसम्म छिटो गरिने प्रधानमन्त्रीले आश्वासन दिए ।