काठमाडौं, १४ जेठ । संघीय समाजवादी फोरम नेपाल सरकारमा सहभागी हुने भएको छ । नेपाल कम्युनिष्ट पार्टीले दुई नम्बर प्रदेशको सरकारलाई गरेको समर्थन फिर्ता लिएको भोलिपल्ट फोरम संघीय सरकारमा सहभागी हुने भएको हो ।
नेपाल कम्युनिष्ट पार्टीले आपसी सहमतिका आधारमा संविधान संशोधन गर्ने र मधेश आन्दोलनका क्रममा उठाइएको माग सम्बोधन गर्ने सहमति जनाएपछि फोरम सरकारमा सहभागी हुन सहमत भएको हो ।
नेपाल कम्युनिष्ट पार्टी र फोरमबीच दुई बुँदे सहमति भएको छ । २२ सदस्यीय मन्त्रिपरिषद्मा शहरी विकास र स्वास्थ्य तथा जनसंख्या मन्त्रालय खाली राखिएको छ । यद्यपि, फोरमले कुन कुन मन्त्रालय लिने भन्ने सार्वजनिक गरिएको छैन।
