मोरङ, ९ जेठ । ३८ क्वीन्टल सुन तस्करी प्रकरणका मुख्य अभियुक्त चुडामणि उप्रेती (गोरे) को जिल्ला अदालत मोरङमा बयान सुरु भएको छ । बुधबार दिउँसोबाट न्यायाधीश नारायण शर्माको इजलासमा उप्रेतिको बयान लिन सुरु गरिएको हो ।
‘उनको बयान सकिएपछि थुनछेक बहस हुनेछ’, अदालतका एक अधिकारीले भने । उप्रेती मंगलबार बिहान काठमाडौंको गौरीघाटबाट पक्राउ परेका थिए । उनलाई गृहमन्त्रालयमा आयोजित पत्रकार सम्मेलनमा सार्वजनिक गरी अदालतमा पेश गरिएको थियो ।
यसअघि मंगलबार सुन प्रकरणका ३० अभियुक्त मध्ये २८ जनालाई पुर्पक्षका लागि थुनामा पठाउन अदालतले आदेश दिएको थियो । त्यसमध्ये एक जना धरौटीमा छुटेका छन् भने एक जनालाई सामान्य तारेखमा छाडिएको छ ।
