कैलाली, १२ बैशाख । कैलालीको धनगढी उपमहानगरपालिकाले चालु आर्थिक बर्षको चैतमसमान्तसम्म ९९ करोड धन्दा धेरै आम्दानी गरेको छ । उपमहानगरपालिकाले पत्रकार सम्मेलन गरि चैतमसमान्तसम्म आन्तरिक र बाह्रय गरि ९९ करोड ४१ लाख ९५ हजार आम्दानी गरेको जानकारी गराएको हो ।
आन्तरिक श्रोतबाट ६ करोड ९६ लाख १८ हजार र बाह्रय श्रोतबाट ९२ करोड ४५ लाख ७७ हजार आम्दानी गरेको प्रशासकिय अधिकृत भरतमणी पाण्डेले जानकारी दिए । पत्रकार सम्मेलनमा उपमहानगरपालिकाका प्रमुख नृपबहादुर वडले धनगढीलाई स्मार्ट सिटी बनाउने काम सुरु भएको बताए ।
प्रमुख वडले उपमहानगरपालिकाका १९ वटा वडा मध्ये १२ वडामा वडा कार्यालय स्थापना भएको र बाँकी वडामा कार्याल संचालनको तयारी अन्तिम चरणमा पुगेको बताए ।
