चितवन, ७ वैशाख । पूर्वी चितवनको वरण्डाभार क्षेत्रमा एक बयस्क बाघ मृत फेला परेको छ । रत्ननगर नगरपालिक ११ मंगलपुर टिकैली जंगलको नजिकै भाले बाघ मृत फेला परेको जिल्ला वन कार्यालय चितवनका प्रमुख केदारनाथ पौडेलले जानकारी दिए । अन्य जनावरसँग जुधेर बाघको मुत्यु भएको अनुमान गरिएको छ ।
बाघको मुचुल्का उठाएर पोष्टमार्टमका लागि निकुञ्जको मुख्य कार्यालय कसरा लगिएको छ । एक साता अघिपनि एक बयस्क बाघको मृत्यु भएको थियो । चितवन राष्ट्रिय निकुञ्जमा १ सय २० वटा बाघ रहेको अनुमान छ ।
