चितवन, ९ बैशाख । चितवन राष्ट्रिय निकुञ्जमा पछिल्लो २ महिनाको अवधिमा ४ वटा बाघको मृत्यु भएको छ ।
चितवनको सौराहा नजिकै राप्ती किनारमा आज एउटा पोथी पाटेबाघ मृत फेलापरेसँगै २ महिनाको अवधिमा चार वटा बाघको मृत्यु भएको हो । चितवन राष्ट्रिय निकुञ्जको राप्ती किनारमा वयस्क बाघ मृत फेला परेको चितवन राष्ट्रिय निकुञ्जका सूचना अधिकारी नुरेन्द्र अर्यालले जानकारी दिए ।
अन्य जनवारसँग जुधेर बाघको मृत्यु भएको अनुमान गरिएको छ । चोरी शिकार नियन्त्रण भएपनि विभिन्न कारणले बाघ मर्न थालेको भन्दै निकुञ्जले अनुसन्धान सुरु गरेको छ ।
