रौतहट, २३ चैत । रौतहटको कटहरिया नगरपालिकाका मेयर सियाराम कुशवाहालाई जनकपुर उच्च अदालतको वीरगन्ज इजलासले जन्मकैदको फैसला सुनाएको छ ।
जनकपुर उच्च अदालतको अस्थाइ इजालस वीरगन्जले हिन्दु युवा संघ वीरगन्जका तत्कालिन अध्यक्ष काशीनाथ तिवारीको हत्या अभियोगमा कुशवाहालाई जन्मकैदको फैसला सुनाएको हो ।
वीरगन्ज इजलासले पर्सा जिल्ला अदालतको फैसलालाई उल्टाउँदै कुशवाहालाई जन्मकैदको सजाए सुनाएको हो । जिल्ला अदालत पर्साले कुशवाहालाई तिवारीको हत्या अभियोगमा सफाई दिएको थियो ।