काठमाडौं, २ चैत । प्रधानमन्त्री केपी शर्मा ओलीले आज मन्त्रिपरिषद् विस्तार गरेका छन् । आज एमालेबाट १० जना र माओवादीबाट ६ जना मन्त्री र राज्यमन्त्रीले सपथ खाएका छन् । नवनियुक्त मन्त्रीहरुले राष्ट्रपति कार्यालयमा राष्ट्रपति विद्यादेवी भण्डारीबाट पद तथा गोपनियताको सपथ खाएका हुन् । यो संगै सरकारमा २२ जना मन्त्री बनेका छन् ।
सपथग्रहण समारोहमा उपराष्ट्रपनि नन्दबहादुर पुन, प्रधानमन्त्री ओली, कायममुकायम प्रधानन्यायाधिश दिपकराज जोशी, सभामुख कृष्णबहादुर महरा, राष्ट्रिय सभाका अध्यक्ष गणेशप्रसाद तिमिल्सिना, मन्त्रीहरु, पूर्व प्रधानमन्त्रीहरु, संवैधानिक अंगका प्रमुखहरु लगायतको उपस्थिति रहेको थियो ।
ओली फागुन ३ गते प्रधानमन्त्रीमा नियुक्त भएका थिए । प्रधानमन्त्री भएलगत्तै उनले एमालेका लालबाबु पण्डित र थममाया थापालाई मन्त्री बनाएका थिए ।
त्यसको हस्ता दिन पछि प्रधानमन्त्री ओलीले माओवादी केन्द्रलाई पनि समेटर चार जना मन्त्रीहरु थप गरेका थिए । प्रधानमन्त्री ओलीले संघीय समाजवादी फोरम, नेपाल पनि सरकारमा सहभागी गराउने प्रयास गरिरहेका छन् ।
यस्तो छ मन्त्रिपरिषद्को पूर्ण विवरण :
यी हुन् अाज सपथ खाएका मन्त्री
एमालेबाट
१) गोकर्ण विष्ट – श्रम, रोजगार तथा सामाजिक सुरक्षा मन्त्री
२) प्रदिप ज्ञवाली – परराष्ट्र मन्त्री
३) शेरबहादुर तामाङ – कानुन तथा न्यायमन्त्री
४) रघुविर महासेठ – भौतिक पुर्वाधार तथा यातायात मन्त्री
५) रवीन्द्र अधिकारी – संस्कृति, पर्यटन तथा नागरिक उड्डयन
६) लालबाबु पण्डित – संघीय मामिला तथा सामान्य प्रशासन मन्त्री
७) जगतबहादुर विश्वकर्मा-युवा तथा खेलकुद मन्त्री
राज्यमन्त्री
८) गोकुल बास्कोटा – सञ्चार राज्यमन्त्री
९) पद्मा अर्याल – स्वास्थ तथा जनसंख्या राज्यमन्त्री
१०) धनबहादुर बुढा – संस्कृति, पर्यटन तथा नागरिक उड्डयन
माओवादी :
१) गिरिराजमणि पोखरेल – शिक्षा मन्त्री
२) वर्षमान पुन -उर्जा जलस्रोत तथा सिचाइ मन्त्री
३) चक्रपाणी खनाल – कृषि तथा भुमिसुधार मन्त्री
४) शक्ति बस्नेत – वन तथा वातावरण मन्त्री
५) विणा मगर – खानेपानी मन्त्री
६) रामकुमारी चौधरी – कृषि तथा भुमिसुधार राज्यमन्त्री