चिनियाँ प्रविधिको नयाँ फड्कोः ४३ दिनमै २५० किलोमिटर ‘हाई–स्पिड’ रेलमार्ग निर्माण

चीनमा विकसित नयाँ पुस्ताको अत्याधुनिक ट्रयाक–बिछ्याउने मेसिनले उत्तरी चीनको शान्सी प्रान्तमा ४३ दिनको छोटो अवधिमै २५० किलोमिटर लामो ‘हाई–स्पिड’ रेलमार्ग निर्माण सम्पन्न गरेको छ । चीनले स्वदेशमै विकास गरेको यस उन्नत मेसिनले दैनिक अधिकतम १२ किलोमिटरसम्म रेलको ट्रयाक बिछ्याउन सक्ने क्षमता राख्दछ । अत्याधुनिक प्रविधिको प्रयोगले रेल पूर्वाधार निर्माणको कार्यलाई थप तीव्र र प्रभावकारी बनाएको छ ।