इन्धन बोक्ने ट्यांकर निलम्बनमा | ईमाउण्टेन समाचार

Our Network

फागुन १२ २०८०, शनिबार

इन्धन बोक्ने ट्यांकर निलम्बनमा

petrolium padharta

काठमाडौं,११ फागुन । पेट्रोलियम पदार्थको ढुवानी गर्दा ट्यांकर चालकले बाटोमै मिसावट गर्ने गरेको पाइएको छ । इन्धन बोकेर आएको ट्यांकरको गुणस्तर परीक्षण गर्दा समस्या देखिएको नेपाल आयल निगमले जानकारी दिएको छ । इन्धनको गुणस्तरमा कैफियत भेटिएपछि निगमले दुईवटा ट्यांकरलाई कारबाही गरेको छ ।

इन्डियन आयल कर्पोरेसन आईओसीका विभिन्न डिपोबाट ल्याएको तेलको गुणस्तर मापन गर्दा कम गुणस्तर भेटिएपछि इन्धन बोक्ने ट्यांकर कारबाहीमा परेका हुन् । हाल ती दुईवटा ट्यांकरलाई निलम्बनमा  राखी इन्धन बोक्न रोक लगाइएको निगम प्रवक्ता वीरेन्द्र गोइतले जानकारी दिए । शिवप्रसाद घिमिरे सञ्चालक रहेको एउटा र ललित मुनियाको एउटा ट्यांकरमा ल्याइएको इन्धनको गुणस्तर परीक्षण गर्दा कैफियत फेला परेपछि कारबाही गरिएको हो । खबर आजको कारोबारमा छ ।