काठमाडौँ ।
अमेरिकी रक्षामन्त्री पिट हेगसेथले अमेरिका र चीनबीचको रचनात्मक एवं रणनीतिक स्थिरताको सम्बन्ध एसिया–प्रशान्त क्षेत्र र विश्व शान्तिका लागि अपरिहार्य रहेको बताउनुभएको छ । बेइजिङमा हालै सम्पन्न दुई देशका राष्ट्रप्रमुखहरूको शिखर वार्तामा व्यक्त प्रतिवद्धताहरू इतिहासमै शान्ति स्थापनाका लागि अर्थपूर्ण रहने उहाँको भनाइ छ । सिंगापुरमा आयोजित ‘साङ्ग्रिला संवाद २०२६’ का क्रममा चिनियाँ प्रतिनिधिमण्डलले सोधेको प्रश्नको जवाफ दिँदै रक्षामन्त्री हेगसेथले उक्त टिप्पणी गर्नुभएको हो । उहाँले दुई शक्ति राष्ट्रबीचको नयाँ सम्बन्ध वास्तविक र ठोस आधारमा अघि बढिरहेको उल्लेख गर्नुभयो । उहाँले थप स्पष्ट पार्दै दुई देशबीच आपसी सम्मान र एक–अर्काको क्षमता एवं शक्तिप्रति पहिचान रहेको बताउनु भयो । वर्तमान विश्वमा विद्यमान शक्तिलाई सही ढंगले परिचालन गरी साझा हितमा प्रयोग गर्न सकिने विश्वास समेत उहाँले व्यक्त गर्नुभयो । दुई ठूला अर्थतन्त्र र सामरिक शक्तिबीचको यो समझदारीले क्षेत्रीय सन्तुलन कायम राख्न र विश्वव्यापी सुरक्षा चुनौतीहरूलाई न्यूनीकरण गर्न महत्वपूर्ण भुमिका खेल्ने अपेक्षा गरिएको छ ।
