एजेन्सी,२९ माघ । म्यानचेस्टर युनाइटेडले गएराति भएको खेलमा न्युक्यासलसँग १–० को हार व्यहोरेको हो । म्यानचेस्टर युनाइटेडलाई पराजित गर्ने क्रममा म्याट रिट्चीले खेलको ६५ औं मिनेटमा निर्णयक गोल गरे ।
खेल म्यानचेस्टर युनाइटेडले नियन्त्रणमा राखेपनि गोलका लागि गरेका प्रहार न्युक्यासलका गोलकिपरले विफल पारिदिएका थिए । हारसँगै म्यानचेस्टर युनाइटेड शीर्ष स्थानको म्यानचेस्टर सिटीभन्दा १६ अंकले पछाडि परेको छ । म्यानचेस्टर युनाइटेडले हार व्यहोरेको दिन साउथह्यामटनलाई २–० ले पराजित गरेर लिभरपुल तेस्रो स्थानमा उक्लिएको छ ।
लिभरपुलले जितसँगै आफ्नो खातामा ५४ अंक पुर्याएर म्यानचेस्टर युनाइटेडसँगको अंक दूरी २ अंकमा झारेको छ । लिभरपुलको जितमा फिरमिनो र मोहम्मद सलाहले एक एक गोल गरे ।
