प्रमुख प्रतिपक्ष दल नेपाली काँगेसका नेता डा. शेखर कोईरालाले केही महिना भित्रै काँग्रेसको नेतृत्वमा नयाँ सत्ता गठबन्धन बन्ने ठोकुवा र्गाुभएको छ ।
कोहीदिन भित्रै सत्तारुढ गठबन्धन टुट्ने दाबी गर्दै नेता कोइरालाले काँग्रेसको नेतृत्वमा नयाँ सत्ता गठबन्धन बन्ने ठोकुवा गर्नुभएको हो ।
अहिले नयाँ सत्तासमिकरण केन्दमा बनेको र प्रदेशमा पनि बन्दै जाने उल्लेख गर्दै उहाँले केही महिनापछि फेरि अर्को गठबन्धन बन्ने दाबी गर्नुभयो । काँग्रेस विपक्ष भएको नाताले सत्तामा जाने कोशिस गरिराख्ने र केही महिना भित्रै सफल हुने नेता कोईरालाको भनाई छ ।
शनिवार काठमाडौंमा आयोजित बिपी स्मृति सामुदायिक अस्पतालको कार्यक्रममा नेता कोईरालाले गठबन्धन बन्ने र भत्किने श्रृंखलाले विकासको गति ठप्प हुने भन्दै स्थिर सरकारका लागि निर्वाचन प्रणाली नै सुधार गर्नुपर्ने बताउनु भयो ।
राष्ट्रिय सभामा समावेशी समानुपातिक प्रतिनिधित्व गराउनु पर्ने नेता कोइरालाको तर्क छ ।
नेता कोईरालाले पीडितमैत्री भएमात्रै संक्रमणकालीन न्याय सम्बन्धि विधेयक पारित गर्न काँग्रेसले साथ दिने स्पष्ट गर्दै मानव अधिकार सम्बन्धि अन्तराष्ट्रिय मूल्य मान्यता, सर्वोच्च अदालतको निर्देशन र पीडितमैत्री भएमात्रै विधेयक संसदबाट पास
गराउन कांग्रेसले सहयोग गर्ने उहाँले बताउनु भयो । ०००
