तेस्रो पटक पनि सर्यो चुनाव, अब असार १४ मा चुनाव | ईमाउण्टेन समाचार

Our Network

फागुन १२ २०८०, शनिबार

तेस्रो पटक पनि सर्यो चुनाव, अब असार १४ मा चुनाव

स्थानीय तहको निर्वाचनको मिति तेस्रो पटक पनि सर्यो, असार १४ गते निर्वाचन गर्ने मन्त्रिपरिषद्को निर्णय

दोस्रो चरणको निर्वाचनका लागि निर्वाचन आयोगद्वारा कार्यतालिका सार्वजनिक

प्रतिक्षा शर्मा,काठमाडौं

 मन्त्रिपरिषद बैठकले दोस्रो चरणको चुनाव असार १४ गते गर्ने निर्णय गरेको । 

यसअघि जेठ ३१ बाट असार ९ गतेका लागि सारिएको चुनाव ईस्लाम समुदायको पर्व रमजानको महत्वपूर्ण दिन पर्ने भएकाले असार १४ गतेका लागि सार्ने निर्णय भएको युवा तथा खेलकुद मन्त्री दलजित श्रीपालीले जानकारी दिनुभयो ।

चुनाव सार्नेबारे प्रधानमन्त्रीले मंगलबार निर्वाचन आयोगका पदाधिकारीसँग परामर्श गर्नुभएको थियो ।

निर्वाचन आयोगले ७४४ वटै स्थानीय तहको चुनाव एकैपटक वैशाख ३१ गते गर्नेगरी तयारीलाई अन्तिम चरणमा र्पुयाएका बेला त्यसअघि पनि सरकारले राजनीतिक वातावरण कायम गर्ने भन्दै दुई चरण चुनाव गर्नेगरी दोस्रो चरणको चुनाव यही जेठ ३१ गते गर्ने निर्णय गरेको थियो ।

मौसमको हिसाबले असार ९ या १४ मा खासै भिन्नता नभएकाले राष्ट्रिय जनता पार्टी राजपालाई समेत चुनावमा सहभागी गराउन सजिलो हुने गरी सरकारले अर्को मिति घोषणा गरेको हो ।

सरकारले निर्वाचन ऐन संशोधनका लागि संसदमा प्रस्ताव समेत दर्ता गरेको छ । राजपालाई उम्मेदवारी मनोनयनमै देखिएको कानुनी जटिलता हटाउन ऐन संशोधन गर्न लागिएको हो ।

 

Leave a Reply