नवलपरासी, ९ माघ । नवलपरासीस्थित सुनवल नगरपालिकामा हिल पार्क बनाउन सुरु गरिएको छ ।
सुनवल नगरको वातावरण स्वच्छ सफा र आन्तरिक तथा बाह्य पर्यटक भित्राउन पर्यटन शैलीमा हिलपार्क बनाउन लागिएको हो । हिलपार्कमा भ्युटावर, गार्डेन, फुलबारी, चिडिया घर, बाल उद्यान, पिक्नीक स्पोट बनाउने नगरपालिकाले जनाएको छ ।
हिलपार्क निर्माणका लागि नगरपलिका डिपिआरको तयारीमा जुटेको छ । पहिलो चरणमा बाटो बनाउने काम भइरहेको छ ।