काठमाडौं, २६ असोज । जीतपुरसिमराका पूर्वप्रमुख कृष्ण पौडेल मृत फेला परेका छन् । नेकपा एमालेका मधेस प्रदेश कमिटीका सचिव समेत रहेका पौडेल बिहीबार साझ आफ्नै घरमा मृत फेला परेका हुन् ।
पौडेल आफै सुत्ने कोठाको भूईमा लडिरहेको अवस्थामा प्रहरीको टोलीले फेला पारेको हो । घरमै शव फेला परेपछि परिवारका सदस्यहरु सँग पनि सोधपुछ प्रहरीले गरेको छ । तर केही शंकास्पद कुरा नभेटिएको प्रहरीको भनाइ छ । पौडेल गत २०७४ को निर्वाचनमा जीतपुरसिमरा नगरपालिका प्रमुखमा निर्वाचित भएका थिए ।
उनी हातेमालो बचत तथा ऋण सहकारी संस्था सिमराका अध्यक्षसमेत हुन् । पारिवारिक स्रोतका अनुसार पौडेलले पछिल्लो समय डिप्रेसनको औषधी सेवन गर्दै आएका थिए । पौडेलका श्रीमती,एक छोरा र छोरी छन् ।
