काठमाडौं, १० असोज
राहत शिक्षकहरुले संसदमा दर्ता भएको शिक्षा विधेयकमा शिक्षकहरुको माग सम्बोधन नगरेको भन्दै आन्दोलन जारी राखेका छन् । गत बुधवारदेखि देशभरका शिक्षकहरु काठमाडौं केन्द्रित भएर आन्दोलनमा उत्रिएका थिए ।
तर पछिल्लो केही दिन यता भने राहत शिक्षकहरु मात्रै आन्दोलनमा छन् । सरकारले गत शुक्रवार आन्दोलनको नेतृत्व गरेको नेपाल शिक्षक महासंघसँग आन्दोलनरत शिक्षकको माग सम्बोधन गर्न ७ बुँदे सहमति गरेसँगै अन्य शिक्षकहरु भने आन्दोलनमा छैनन् । उक्त सहमतिमा राहतको शिक्षकहरुको माग सम्बोधन नभएपछि उनीहरुले आन्दोलन जारी राखेका छन् ।
उनीहरुले आन्दोलनका कार्यक्रम फरक ढंगले गर्दै आइरहेका छन् ।
